ولد خابر على بنية بعراقنا

من طرف شهودة في الجمعة فبراير 22, 2008 2:22 am

الوووو شركة عراقنا اتفضلو؟؟؟
- مرحبا خالة
- خالة شنو؟
- احتراما غير؟ لعد شكلج حجية؟؟؟ شخبار الاشعة مال الروماتيز؟
- شنووو؟ اخوية انتة المن طالب؟
- طالب القرة غللي
- اخوية المن رايد؟
- العفو مو افران ابو نهاوند للغسيل الجاف؟
- اخي يا جاف؟؟
- لعد؟؟ رصاص؟؟
- شنووو؟؟؟
- ر صاص لو ر عمبة؟خخخخخخخخخخخ
- شنووو؟؟؟ اخي هنا شركة عراقنا اتفضل؟؟
- عيني ممكن اخابر على بصرتنا؟؟
- شنوو؟
- انتو مو عراقنا يعني كل محافظتنا جزء منكم ممكن اخابر بيت عيالي ب ناصريتنا؟؟
- اخوية انتة فايخ الظاهر
- اي والله فايخ و راسي دا يوجعني يمكن حامل
- حامل؟؟
- حامل كرزاي خخخ خوش رئيس ترة
- اخي ال اخر مرة اكلك شركة عراقنا مال موبايلات هنا
- اببيش الدمعتين؟؟
- شنووو؟؟؟
- مو شركة مال موبايلات؟
- اخي عزيزي ,, عزيزي رجاءا هنا شركة خدمات للزباين
- زباين شنو شنو حلاق؟؟؟ اببيش تحديد الزلف يمكم؟بعدين شجلبتيلي مال عزيزي عزوز مدري شنو شنو مخابر على الف باء اني؟؟؟
- اخي ال اخر مرة اتفضل؟
- لا تسلمين توني متغدي مركة فشافيش و لفة تمن و اذا ما حلوة مال توني متغدي ف توني بلير
- لفة تمن؟؟؟
- اي تمن يروح البيتة

- شنو؟
- منو؟
- اخي ترة دا اتعطلني و دا اتعطل العالم
- شنو دا اعطل العالم؟ دا اشتغل حفريات بالشركة لو دا ابلط؟؟؟ اختي اني ضمير متصل
- شنووو؟؟
- العفو قصدي متصل علمود
- اييي علمود شنو؟؟؟
- علمود مال كهرباء هههه
- هههههههههههه
- اخيرا ضحكتي؟؟؟ و كبر على هال ضحكة
- كبر فضها شتريد؟
- فضها لو ذهب؟
- اخي شتريد؟؟؟
- شتريد بانية؟خخخخخخخخخ
- شنو خخخخ دا تتغرغر؟؟
- اي مو بيتنا يم تمثال الغريري هع هع هع
- ترة طولت وياك هواية
- اي من حبك طول وياك شكد طولتي يعني مترين؟؟؟ عود
- عود شنو؟؟
- عود مال شخاط
- لك والله لو هسة كدامي جان خابرت الشرطة عليك
- شرطة عدس؟؟؟ شرطة طماطة؟؟؟ بعدين اني اللي راح اخابر الشرطة مو انتي
- ليش يمممة؟
- اشوف لعبتهم باجر لو عكبة هاي شبيج؟
- اخي رجاءا رجاءا ما اريد اسد الخط بوجك
- اختي ممكن اعرف انتي ليش ضايجة؟؟؟
- راح اسمعك غير حجي ترة
- ترة و كتبه هاهاها
- هههههههههه شكد سخيف يا ربي
- اكووول انتي اكو قشمر بحياتج؟؟؟
- شنووو؟؟
- اكو احد كايلج نجيكم اني و الاهل بال 6 علمود موضوع خاص وية الاهل؟
- لالا ليش ناوي تجي بال 6 حضرتك الكسيف؟
- لا طبعا
- ليش يمة؟
- مو ساعتي خربانة كايم بيها الميل مال الثواني لازم افرمت
- شنوووووووووو؟؟؟؟؟؟؟
- لا هيج.... هيج هراتي
- اخوية الظاهر العيني و الاغاتي ما يفيد وياك
طررااااااااخ
انسدت السماعة

هسة اني شكايل شحاجي بعدنا بسم الله
جنت رايد اسألها عندي خط عراقنا يصير اسوي خط باب الشرجي-علاوي و ادفع الفرق من الكروة؟؟؟؟
هاهية

من طرف aooa40 في الجمعة فبراير 22, 2008 2:45 am

أولاً : عاشت إيديج على هاي القصة.

ثانياً : وينج هاي الفترة كلها.

ثالثا : بس لو اعرف منين تجيبين هاي السوالف مالتج منين ؟؟؟؟؟ بس لو اعرف.

رابعاً : والله مشتاقين لسوالفج الحلوة.

تسلميــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن.

هاي هدية إلج :

يعني فعلا مشتاقين الرسايلج الحلوه اخت شهوده وعاشت ايدج عله هذا التحشيش كلش قويه
ههههههههههههههههه انريد انشوف اكثر وشكرا haha

من طرف شهودة في الجمعة فبراير 22, 2008 6:48 am

هلاو aooa40 شلونك ان شاء الله بخير ..اول شي انكطعت علمود تشتاقولي اكثر....لا لا جذب اتشاقه..والله مجان اكو فد مواضيع حلوة علمود انشرها هنا ...وبالنسبه لسؤالك منين اجيبها هاي الشغلات هذا سر المهنه هع هع انتوا بس عليكم تقرون.خخخخخ
هلو سيوفي تسلم عنون مال اني .. وردك هو الاحلى اشكرك

ولد خابر على بنية بعراقنا

ولد خابر على بنية بعراقنا

رد: ولد خابر على بنية بعراقنا

رد: ولد خابر على بنية بعراقنا

رد: ولد خابر على بنية بعراقنا