قصيده من المهندس

الى من احلوا سفك دماء وطني ...
الى الارهاب وبئس المصير ... كنتم اقذر امه

ايعجبك مايعجبك مااصير وياك
وماالطخ اديه بدم مساجينك
متبري ومحمد منك للموت
لامن ديني انت ولاني من دينك

بجيت الحدايق ورد ماخليت
زارعهن جثث كلهن بساتينك

موت.. ارهاب.. دم.. وذبح بالسجين
كل ذني ولك صارن عناوينك
ضميرك مات واعرفك عبد شيطان
ومن جرمك درس تاخذ شياطينك

ماغازينه محتل واحنه معروفين
بس راجع افكارك شوف غازينك

واضح وجهي اني وعدل مثل الكال
كلا للظلم كلا لسلاطينك

تاريخي الشرف والغيره ولااخلاص
ولو تذبح دهر تتعب سجاجينك

ماخذ كل صفاتك نسخه الحجاج
ومن دم الخوارج دم شرايينك

لادمعه طفل هزتك يوم العيد
ولا اذان جامع هز حياطينك

لاكلمات شايب من كعد وياك
لا ام لا اب الكدروا يكسرون عينك

الكون اهتز ولك للفجرته اليوم
بس ان شاء الله انطمهن براكينك


مع تحبات لمهندس الكيمياوي :

عاشت ايدك عله هاي القصيده الحلوه ولله هذا واقع الاسلام في العراق ارهاب في ارهاب تسلم ياورد

عاشت ايدك وانشاء الله ما يبقى ابلدنا اي ارهابي او حاقد ويعم الامن والامان وتسلم

مشكور يابطل وعاشت ايدك بهالقلوب الصافيه نبني البلد بلا دم ولاقتل